جحا وحال البلد


http://www.youtube.com/watch?v=4cL4mQZ0CcA

هشام الجخ

جحا
شعور سخيف
انك تحس بان وطنك شيء ضعيف
صوتك ضعيف
رأيك ضعيف
انك تبيع قلبك وجسمك

وانك تبيع قلمك واسمك


ما يجيبوش حق الرغيف


سألو جحا عن سر ضحكه


قال اصل اثنين وشبه


اللى كان من تحت ميت


واللى كان من فوق كفيف


دا شعور سخيف


وشعور سخيف
انك تكون رمز للشحاته
تبني مبني للشحاته
تعمل وزارة للشحاته
يا تاج يا دوري
على فوقي ودوسي
نصبوا عليا وشحتوني فلوسي
ربطوني فيكي حتى ما اتغميت
هما اللى فرحوا
وحدي انا اللى اتغميت
انا اللى صاحب البيت
عايش بدون لازمة
ولما مرة شكيت
ادوني بالجذمة
مش لاقي تطفحك هديك
هاتولنا وجوبلنا وادولنا
هتجيب منين نديك
مش لاقي تطفحك هديك
طافح يا بلدي غداي
ولوعتي غداي
وآدي الاحبة التقوو
واتجمعو عداي
انا اللى زرعك ذهب
بتأكليني صباغ
من كان دا تقل ودلع
بكفاية دلعك بااغ
لا شفت فيكي هنا
ولا شفت فيكي طرف
كل اللى فيكي قرف
كرامتنا متهانا
واللقمة باهانا
بتخلي فينا لما انتي كرهانا
يعني تبقى انتي هبة النيل يا بوبة
وكل يوم الماية تقطع
يعني ايه لما اشتكي غلو الفاتورة
يقولو اشكي بس المهم تدفع
لما قش الرز ثروة بتتحرق
ولما نبض الامة ثروة بتتسرق
ومجالاتك على ولادك بتبطش
ولما علمك ما يلاقيش ياكل فيطفش
يعني ايه لما نرفع ايدينا بالسلام لاجل الغزاة
ويعني ايه لما ابقى ماشي في حالي
اتشد اشتباه
يعني ايه لما اتحبس
اربع سنين حبس احتياطي
حبس اعتباطي
يعني ايه مش حاسة بالعمر وغلاوته
بتصبي مر العمر ليه
دا كانت هوهبلك حلاوته
انا عمري ما اتأمرت
ولا حطيت شروطي
ومكان ما ترسى مركبك
ببني شطوطي
انا كنت جيشك
لما مماليكك باعوكي
وكنت يوسف
لما عيشت سنين عجاف
وضلوعي دي
اللى في معركة قادش حموكي
وشفايفي دي
اللى مابطلتش في يوم هتاف
انا كل شبر في ارضك
اتمرمغت فيه
وكل يوم عشتيه
انا اتعذبت بيه
بتكرهيني عيونك السودة
وايامي اللى فاتت
ما انتيش حبيبتي من النهاردة
حبيبتي ماتت
مع صوت اذان الجرس
في الشدة صاحينلك
من امتي كانو الحرس
هما اللى بقينلك
بعتيني علشانهم
وعينيكي معصوبة
يا هالترى خاينة
ولا زيي مغصوبة
كل الكلام اتقال
والشعر بقى ماسخ
والصبر علو جبال
والظلم شيء راسخ
وطن وغرقان في النطاعة
كل شيء ريحته نطاعة
علمونا بالعصايا
ورضوعنا الخوف رضاعة
علمونا في المدارس
يعني ايه كلمة قيام
قيام
علمونا نخاف من الناظر
فيتمنع الكلام
علمونا ازاي نخاف
وازاي نكش
بس نسيوا يعلمونا الاحترام
متزعلوش لما بقى مش بسمع كلامك
ومتزعلوش ….

مستني ايه من طفل ربوه
بالزعاق غير المشاكل والخناق
كل اللى بيقولك بحبك
دول نفاق
انا لما قولت ليكي بحبك
كان نفاق
الحب يعني اتنين بيدوا
مش ايد بتبني
و 600 تيت تيت يهدوا
الحب حالة
الحب مش شعر وقواله
الحب يعني براح في قلب
العاشقين للمعشوقين
يعني الغلابة يناموا في الليل
دافيانين
الحب
يعني جواب لكل المسجونين
هما ليه بقى مسجونين
يعني اعيش علشان هدف
علشان رسالة
يعني احس بقمتي فيكي
اني مش عايش عواله
يعني لما اعرق
تكفأيني بعدالة
الحب حالة
الحب مش شعر وقواله
الحب
حاجة متتوجدش في وسط ناس
بتجيب غداها من وسط صناديق الزبالة
الحب جواكي اتمحى

http://www.youtube.com/watch?v=4cL4mQZ0CcA

 

Advertisements
This entry was posted in شعر أدب. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s